കഥ/കരിങ്ങന്നൂര്‍ ശ്രീകുമാര്‍ /കാട്

കഥ/കരിങ്ങന്നൂര്‍ ശ്രീകുമാര്‍
കാട്

കാട് ഒരു മധുരകാവ്യമായിരുന്നില്ല.
കനല്‍ച്ചൂടുമല്ല....
ആഴങ്ങളിലെ തൃഷ്ണ . കന്മദം .നീരാളം.
കാട് മുദ്രയായിരുന്നു .
കാട് പ്രണയമായിരുന്നു.
നീ തെളിച്ചു വന്ന നീര്‍വഴിയായിരുന്നു.
വിസ്മയമായിരുന്നു.
ഉറവുകളുടെ ഉയിര്‍.
ഉന്മാദം.ഉണ്മ.
ഉടല്‍.

കഥ/ കരിങ്ങന്നൂര്‍ ശ്രീകുമാര്‍ /നനഞ്ഞ പട്ടി .

കഥ/ കരിങ്ങന്നൂര്‍ ശ്രീകുമാര്‍ 

നനഞ്ഞ പട്ടി .

ഓണത്തിന് നീ തന്ന ചോറ് .

നല്ല മഴയായിരുന്നു.

 നനഞ്ഞു തണുത്ത തിണ്ണയില്‍ സുഖം.

ഇരുട്ട്.

ഉപ്പേരി,പപ്പടം, അവിയല്‍,കാളന്‍, 
പച്ചടി,കിച്ചടി, പഴപ്പായസം ഒന്നുമില്ലാതെ കൂളനു വിളമ്പിയ ചോറ്.... 

നനഞ്ഞ പട്ടി .

 വെക്കം തിന്നിട്ടു പൊക്കോ. കതകടച്ചു ഗൃഹസ്ഥ.

പഴയ ജാരന്റെ മുഖമടഞ്ഞു.

  ഇരുട്ടത്ത്‌ ചോറ് മിനുങ്ങി.

നിര്‍ത്തില്ലാതെ  മഴപെയ്യുന്നത് കൊണ്ടാവാം കുടിവെള്ളം തന്നില്ല കൂത്തിച്ചി.