ഗര്‍വം

ഗര്‍വം

എന്റെ മുഖത്തെ നിന്റെ പുച്ഛത്തിന്റെ തുപ്പല്‍ തുടച്ച് ഉമ്മവയ്ച്ചു തണുപ്പിക്കുവാന്‍ നീ തന്നെ വരും.

എന്റെ നെഞ്ചിലെ നിന്റെ ചവുട്ടിന്റെ നോവ് തുടയ്ക്കാനും നീ തന്നെ വരും.

അന്നേരമൊക്കെയും കൗതുകത്തോടെ ഈ ചോരയില്‍ വിരല്‍ മുക്കി നീ നിന്റെ സീമന്തസിന്ദൂരം തെളിച്ചുകൊണ്ടേയിരിക്കും.

പ്രണയഗര്‍വം ഇടിവെട്ടി പെയ്തൊഴിയട്ടെ.

ഇനിയുമൊരു കാലം വന്നേക്കും.

അതുവരേക്കും നിന്റെ തുപ്പല്‍ നാറി ഞാനിരിക്കാം.